• Breaking News

    കനത്ത മഞ്ഞുവീഴ്ച ; സൈനികന്റെ വിവാഹം മുടങ്ങി

    Heavy snowfall; The soldier's marriage was terminated,www.thekeralatimes.com


    മാണ്ഡി: കനത്ത മഞ്ഞുവീഴ്ചയില്‍ കശ്മീരില്‍ നിന്നും പുറത്ത് കടക്കാനാവാതെ ഹിമാചല്‍ പ്രദേശിലെ സൈനികന്റെ വിവാഹം മുടങ്ങി. മാണ്ഡി ജില്ലയിലെ ഖെയ്ര് ജില്ലയില്‍ നിന്നുള്ള സൈനികന്‍ സുനില്‍ കുമാറിന്റെ വിവാഹമാണ് മുടങ്ങിയത്. കശ്മീരിലെ കനത്തമഞ്ഞുവീഴ്ച മൂലം ഗതാഗത സംവിധാനം തകരാറിലായതോടെ സുനില്‍ കുമാറിന് സ്വന്തം വിവാഹത്തിനായി നാട്ടിലേക്കെത്താന്‍ സാധിച്ചില്ല. ഇതോടെ വിവാഹം മാറ്റി വയ്ക്കുകയായിരുന്നു. ജനുവരി 16നായിരുന്നു വിവാഹം നിശ്ചയിച്ചിരുന്നത്. ‘മോശം കാലാവസ്ഥയെ തുടര്‍ന്ന് തന്റെ സഹോദരന് വിവാഹദിവസം വീട്ടിലെത്താന്‍ കഴിഞ്ഞില്ല. രണ്ട് ദിവസം മുന്‍പ് ചടങ്ങുകള്‍ ആരംഭിച്ചിരുന്നെങ്കിലും സുനില്‍ കുമാറിന് എത്താന്‍ സാധിക്കില്ലെന്ന് അറിയിച്ചതോടെ ചടങ്ങുകളെല്ലാം മാറ്റിവയ്ക്കുകയായിരുന്നു’ വെന്ന് സുനില്‍കുമാറിന്റെ സഹോദരന്‍ പറഞ്ഞു. സുനില്‍ കുമാറിന് എത്താന്‍ സാധിക്കുന്ന മറ്റൊരു ദിവസം വിവാഹം നടത്തുമെന്നും സഹോദരന്‍ വ്യക്തമാക്കി.

    Post Bottom Ad