• Breaking News

    കൊറോണ വൈറസ്; കെഎസ്ആര്‍ടിസിയുടെ വരുമാനം കുത്തനെ ഇടിഞ്ഞു, കോഴിക്കോട് നഗരത്തില്‍ വാഹനങ്ങളും കടകളും നോക്കു കുത്തിയാകുന്നു

    Coronaviruses; KSRTC revenue declines sharply, vehicles and shops in Kozhikode,www.thekeralatimes.com

    കോഴിക്കോട്: കോഴിക്കോട് നഗരത്തില്‍ വാഹനങ്ങളും കടകളും നോക്കുകുത്തിയാകുന്നു. വിദേശത്ത് നിന്ന് വന്നവരടക്കം പൊതുഗതാഗതം പോലുളള ഉപയോഗിക്കുന്നത് ഒഴിവാക്കണമെന്നാണ് സര്‍ക്കാര്‍ നിര്‍ദേശം. ഇതോടെ കെഎസ്ആര്‍ടിസിയുടെ വരുമാനം കൂപ്പുകുത്തുന്നുവെന്നാണ് റിപ്പോര്‍ട്ട്.

    ദിവസേന 13 ലക്ഷം രൂപയോളം വരുമാനം ലഭിച്ചിരുന്ന കോഴിക്കോട് സെക്ടറിന് കഴിഞ്ഞ ദിവസം ലഭിച്ചത് ഒമ്പത് ലക്ഷം രൂപമാത്രമാണ്. നിപ കാലത്തിന് ശേഷം ഇതാദ്യമായാണ് എല്ലാ മേഖലയേയും പിടിച്ച് കുലുക്കിക്കൊണ്ട് കൊറോണ ഭീതി കൂടുതല്‍ ശക്തമാവുന്നത്. ദീര്‍ഘ ദൂര സര്‍വീസുകളില്‍ അടക്കം വലിയ തോതില്‍ റീഫണ്ടുകള്‍ വരുന്നുവെന്നാണ് കോഴിക്കോട് കെഎസ്ആര്‍ടിസി ഡിപ്പോയിലെ അധികൃതര്‍ വ്യക്തമാക്കുന്നത്.

    ബെംഗളൂരുവിലേക്കുള്ള ബസില്‍ ആളുണ്ടാവുന്നില്ല. റീഫണ്ടുകള്‍ വര്‍ധിക്കുന്നത് കൊണ്ടു തന്നെ വരുമാനം ദിവസേന വലിയ തോതില്‍ കുറഞ്ഞു വരികയാണെന്നും അധികൃതര്‍ വ്യക്തമാക്കുന്നതായി മാതൃഭൂമി റിപ്പോര്‍ട്ട് ചെയ്യുന്നു. കെഎസ്ആര്‍ടിസി ബസുകള്‍ മാത്രമല്ല, സ്വകാര്യ ബസുകളഉം കോഴിക്കോട് നഗരത്തില്‍ ആളില്ലാതെയാണ് ഓടുന്നത്.

    സ്‌കൂളുകള്‍ക്കടക്കം അവധി പ്രഖ്യാപിച്ചതും ജനങ്ങള്‍ യാത്രകള്‍ വലിയ രീതിയില്‍ കുറച്ചതും സ്വകാര്യ ബസ്സുകളില്‍ ആളില്ലാതാവാന്‍ കാരണമാകുന്നുവെന്നാണ് റിപ്പോര്‍ട്ട്. സാധാരണ ദിവസങ്ങളില്‍ തന്നെ നഷ്ട
    ത്തിലോടുന്ന സ്വകാര്യ ബസ് സര്‍വ്വീസുകള്‍ക്ക് ഇരുട്ടടിയായിരിക്കുന്നത്. റെയില്‍വെ സ്‌റ്റേഷനുകളിലും ആളുകള്‍ എത്തുന്നത് പകുതിയായി കുറഞ്ഞിട്ടുണ്ട്. കൊറോണയ്‌ക്കൊപ്പം തന്നെ പക്ഷിപ്പനി ജാഗ്രത കൂടി വന്നതോടെ കോഴിക്കോടിനെ വല്ലാതെ പരിഭ്രാന്തരാക്കുന്നുണ്ട്.

    Post Bottom Ad