• Breaking News

    പ്രായപൂര്‍ത്തിയാകാത്ത പെണ്‍കുട്ടിയെ ലൈംഗികമായി പീഡിപ്പിച്ച് കടന്നു കളഞ്ഞ പ്രതി പിടിയിൽ

    Man arrested for sexually abusing minor girl,www.thekeralatimes.com

    കൊച്ചി: പ്രായപൂര്‍ത്തിയാകാത്ത പെണ്‍കുട്ടിയെ ലൈംഗികമായി പീഡിപ്പിച്ച് കടന്നു കളഞ്ഞ പ്രതി പിടിയിൽ. മട്ടാഞ്ചേരി സ്വദേശി ജെ എസ് അരുണ്‍ കുമാര്‍ (23) ആണ് പിടിയിലായത്. സംഭവ ശേഷം ഒളിവില്‍ പോയ ഇയാളെ ഒരു വര്‍ഷം നീണ്ട ഊര്‍ജ്ജിത അന്വേഷണത്തിനൊടുവിലാണ്  പിടികൂടിയത്.

    കോതമംഗലം, പോത്താനിക്കാട് ഭാഗങ്ങളില്‍ ഡ്രൈവറായി ജോലി ചെയ്തുവരികയായിരുന്നു വിവാഹിതനായ അരുണ്‍. ഇതിനിടെയാണ് പരാതിക്കാരിയായ പെണ്‍കുട്ടിയുമായി ഇയാള്‍ പരിചയത്തിലായത്. തുടര്‍ന്ന് പെണ്‍കുട്ടിയെ പീഡിപ്പിച്ച് ഇയാള്‍ കടന്നു കളയുകയായിരുന്നു. 2018 ലാണ് കേസിനാസ്പദമായ സംഭവം.

    2019ല്‍ പെണ്‍കുട്ടി പോത്താനിക്കാട് പോലീസില്‍ പരാതി നല്‍കി. പരാതിയുടെ അടിസ്ഥാനത്തില്‍ പോലീസ് അന്വേഷണം ആരംഭിച്ചപ്പോഴേക്കും ഇയാള്‍ സംസ്ഥാനം വിട്ടിരുന്നു. അന്വേഷണത്തിനിടെ കഴിഞ്ഞ ദിവസം അരുണ്‍ വേളാങ്കണ്ണിയില്‍ ഉണ്ടെന്ന് അന്വേഷണ സംഘത്തിന് രഹസ്യവിവരം ലഭിച്ചു. തുടര്‍ന്ന് പോത്താനിക്കാട് പോലീസ് വേളാങ്കണ്ണിയില്‍ എത്തി അരുണിനെ പിടികൂടുകയായിരുന്നു. ഒളിവില്‍ കഴിയവേ വേളാങ്കണ്ണി സ്വദേശിയായ യുവതിയെയും ഇയാള്‍ വിവാഹം കഴിച്ചിട്ടുണ്ട്.

    Post Bottom Ad