• Breaking News

    രാജ്യത്ത് കോവിഡ് ബാധിച്ചവരുടെ എണ്ണം 153 ആയി; പ്രധാനമന്ത്രി ഇന്ന് രാജ്യത്തെ അഭിസംബോധന ചെയ്യും

    153 cases of CVD in the country; The Prime Minister will address the country today,www.thekeralatimes.com

    രാജ്യത്ത് കോവിഡ് 19 രോഗം ബാധിച്ചവരുടെ എണ്ണം 153 ആയി. മഹാരാഷ്ട്രയിൽ മാത്രം 45 പേർക്ക് രോഗം സ്ഥിരീകരിച്ചു. രാജ്യത്തെ എല്ലാ പരീക്ഷകളും മാർച്ച് 31 വരെ മാറ്റിവെയ്ക്കാൻ കേന്ദ്ര മാനവ വിഭവശേഷി മന്ത്രാലയം നിർദ്ദേശം നൽകി. കോവിഡ് പടരുന്ന സാഹചര്യത്തിൽ പ്രധാനമന്ത്രി നരേന്ദ്ര മോദി ഇന്ന് രാജ്യത്തെ അഭിസംബോധന ചെയ്യും.

    16 സംസ്ഥാനങ്ങളിലാണ് ഇന്ത്യയിൽ ഇതുവരെ കോവിഡ് 19 രോഗം സ്ഥിരീകരിച്ചത്. തെലങ്കാനയിൽ ഇൻഡോനേഷ്യയിൽ നിന്ന് എത്തിയ ഏഴ് പേർക്കും രാജസ്ഥാനിൽ മൂന്ന് പേർക്കും കൂടി രോഗം സ്ഥിരീകരിച്ചു. സി.ബി.എസ്.സി 10, 12 ക്ലാസുകളിലെ എല്ലാ പരീക്ഷകളും മാർച്ച് 31 വരെ മാറ്റിവെച്ചു. കോവിഡ് 19 നിരീക്ഷണത്തിൽ ഇരുന്നയാൾ ഡൽഹി സഫ്ദർജങ് ആശുപത്രി കെട്ടിടത്തിൽ നിന്ന് ചാടി മരിച്ചു സിഡ്നിയിൽ നിന്ന് വന്ന ഇയാളെ ഇന്നലെ രാത്രി 9 മണിയ്ക്കാണ് നിരീക്ഷണത്തിനായി ആശുപത്രിയിൽ പ്രവേശിപ്പിച്ചത്.

    ചൈന, സൗത്ത് കൊറിയ, ഇറാൻ, ഇറ്റലി, സ്പെയിൻ ഫ്രാൻസ്, ജർമനി എന്നീ രാജ്യങ്ങൾ ഫെബ്രുവരി 15നോ അതിന് ശേഷമോ സന്ദർശിച്ചവർ ഇന്ത്യയിൽ എത്തിയാൽ നിർബന്ധിത നിരീക്ഷണത്തിൽ 14 ദിവസം കഴിയണം. സൗത്ത് കൊറിയയിൽ നിന്ന് ഇന്ത്യയിൽ വരുന്നവർ നെഗറ്റീവ് സർട്ടിഫിക്കറ്റും ഹാജരാക്കണം. യുപിയിലെ ഗൗതം ബുദ്ധ് നഗറിൽ ഏപ്രിൽ അഞ്ച് വരെ നിരോധനാജ്ഞ പ്രഖ്യാപിച്ചു. കോവിഡ് 19മായി ബന്ധപ്പെട്ട് പ്രധാനമന്ത്രി നരേന്ദ്ര മോദി ഇന്ന് രാത്രി 8 മണിയ്ക്ക് രാജ്യത്തെ അഭിസംബോധന ചെയ്യും.

    Post Bottom Ad