• Breaking News

    ലോക്ക് ഡൗൺ ലംഘിച്ച് ഭക്ഷണ വിതരണം നടത്തിയ ഇന്ത്യൻ കോഫി ഹൗസ് ജീവനക്കാർക്കെതിരെ നടപടി

    Action against Indian Coffee House employees for violating lockdown,www.thekeralatimes.com

    ലോക്ക് ഡൗൺ ലംഘിച്ച് കോഴിക്കോട് കോർപറേഷന് സമീപത്തെ ഇന്ത്യൻ കോഫി ഹൗസിൽ ഭക്ഷണ വിതരണം നടത്തി. കോർപറേഷൻ ക്യാന്റീൻ കൂടിയായ ഇവിടെ ഉച്ചയോടെ നിരവധി പേരാണ് ഭക്ഷണം കഴിക്കാനെത്തിയത്. സംഭവത്തിൽ കോഫി ഹൗസ് മാനേജരടക്കം 5 പേർക്ക് എതിരെ ടൗൺ പൊലീസ് കേസെടുത്തു. ലോക്ക് ഡൗൺ ലംഘനം, സാമൂഹിക അകലം പാലിക്കാതിരിക്കൽ എന്നിവ പ്രകാരമാണ് കേസ്.

    ലോക്ക് ഡൗൺ നിലനിൽക്കുന്നതിനാൽ ഹോട്ടലുകളിൽ പാർസൽ വിതരണത്തിന് മാത്രമാണ് അനുമതി. ഈ നിർദേശം നിലനിൽക്കേയാണ് കോഴിക്കോട് കോർപറേഷനോട് ചേർന്ന് നിൽക്കുന്ന ഇന്ത്യൻ കോഫി ഹൗസ് ലോക്ക് ഡൗൺ ലംഘനം നടത്തിയത്. കോർപറേഷൻ ജീവനക്കാർക്ക് മാത്രമാണ് ഭക്ഷണം നൽകിയതെന്നാണ് കോഫി ഹൗസ് അധികൃതർ നൽകുന്ന വിശദീകരണം. എന്നാൽ, പുറത്ത് നിന്നടക്കം നിരവധിയാളുകൾ ഇവിടെയെത്തി ഭക്ഷണം കഴിക്കുകയായിരുന്നു. തുടർന്ന് പൊലീസ് സ്ഥലത്തെത്തി ജീവനക്കാരുടേയും ഭക്ഷണം കഴിക്കാനെത്തിയവരുടേയും മൊഴിയെടുത്തു. തുടർന്ന് സ്ഥാപനം അടപിച്ചു.

    സാമൂഹിക അകലം പാലിക്കാതെ ഒരു മേശയ്ക്ക് ചുറ്റും നാല് പേർ ഇരുന്നാണ് ഭക്ഷണം കഴിച്ചത്. ഇത് ശ്രദ്ധയിൽപെട്ടതിനെ തുടർന്ന് സമീപത്തുള്ള കടക്കാർ നൽകിയ പരാതിയുടെ അടിസ്ഥാനത്തിലാണ് പൊലീസ് എത്തിയത്. കോഫി ഹൗസ് തുറന്നതിൽ പ്രതിഷേധിച്ച് വ്യാപാരി വ്യവസായി ഏകോപനസമിതി പ്രതിഷേധവുമായി രംഗത്ത് എത്തി.

    Post Bottom Ad