ഇന്ത്യയിൽ കോവിഡ് രോഗബാധിതരുടെ എണ്ണം 88.84 ലക്ഷം കവിഞ്ഞു. കഴിഞ്ഞ 24 മണിക്കൂറിനിടെ 41,100 പേർക്കാണ് പുതുതായി കോവിഡ് സ്ഥിരീകരിച്ചത്.
447 മരണവും കൂടി 24 മണിക്കൂറിനിടെ റിപ്പോർട്ട് ചെയ്തതോടെ രാജ്യത്ത് കോവിഡ് ബാധിച്ച് മരിച്ചവരുടെ എണ്ണം 1,29,635 ആയി. 4.79 ലക്ഷം പേരാണ് ചികിത്സയിൽ കഴിയുന്നത്. 81.6 ലക്ഷം പേർ രോഗമുക്തി നേടി.
കോവിഡ് ബാധിതരുടെ എണ്ണം അൻപതിനായരത്തിൽ താഴെ നിൽക്കുന്നത് ഏറെ ആശ്വാസകരമാണ്. അതേസമയം ദീപാവലി ആഘോഷങ്ങൾ കഴിയുന്നതോടെ ഉത്തരേന്ത്യയിൽ അടക്കം കോവിഡ് ബാധിതരുടെ എണ്ണം കുതിച്ചുയരുമെന്നാണ് വിലയിരുത്തൽ.
അതേസമയം ലോകത്ത് കോവിഡ് ബാധിതർ അഞ്ചുകോടി കടന്നു. യൂറോപ്യൻ രാജ്യങ്ങളിലും അമേരിക്കയിലും കോവിഡിന്റെ രണ്ടാംവരവ് സ്ഥിരീകരിച്ചതോടെ പ്രതിദിനം കോവിഡ് സ്ഥിരീകരിക്കുന്നവരുടെ എണ്ണം കുത്തനെ ഉയരുകയാണ്.