വെള്ളനാട്: അധികാരം ഉപയോഗിച്ച് തെരഞ്ഞെടുപ്പിനെ അട്ടിമറിക്കാൻ സി.പി.എം ശ്രമിക്കുന്നതായും, മാർക്സിസ്റ്റ് പാർട്ടിയുടെ ഈ തന്ത്രത്തിന് കേരള ജനത തെരഞ്ഞെടുപ്പിലൂടെ മറുപടി പറയുമെന്നും ബി.ജെ.പി സംസ്ഥാന അധ്യക്ഷൻ കെ.സുരേന്ദ്രൻ. തിരുവനന്തപുരം ജില്ലാ പഞ്ചായത്തിലെ വെള്ളനാട് ഡിവിഷനിൽ മത്സരിക്കുന്ന ബി.ജെ.പി സ്ഥാനാർത്ഥി മുളയറ രതീഷിൻ്റെ തെരഞ്ഞെടുപ്പ് കൺവെൻഷൻ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ബി.ജെ.പി ദേശീയ കൗൺസിൽ അംഗം കെ.എ.ബാഹുലേയൻ ചടങ്ങിൽ അധ്യക്ഷനായി. ബി.ഡി.ജെ.എസ് സംസ്ഥാന സെക്രട്ടറി പരുത്തിപ്പള്ളി സുരേന്ദ്രൻ, കാമരാജ് കോൺഗ്രസ് മണ്ഡലം പ്രസിഡൻ്റ് സുഭാഷ് തുടങ്ങിയവരും ബ്ലോക്ക്- വാർഡുതല സ്ഥാനാർഥിമാരും പങ്കെടുത്തു.
