Breaking News

രാജ്യത്ത് ഇന്ധനവില കുതിക്കുന്നു; സംസ്ഥാനത്ത് പലയിടത്തും പെട്രോൾ വില 85 കടന്നു

ഇന്ത്യയിൽ ഇന്ധനവില അനുദിനം വർദ്ധിക്കുന്നു. പെട്രോൾ, ഡീസൽ വിലയിൽ ഇന്നും വർധനയുണ്ടായി. പെട്രോളിന് 30 പൈസയും ഡീസലിന് 27 പൈസയുമാണ് ഇന്ന് കൂട്ടിയത്.

ഇന്ധനവില രണ്ട് വർഷത്തെ ഏറ്റവും ഉയർന്ന നിലയിലാണ്. ഡീസലിന് 80 രൂപയ്ക്കടുത്താണ് വില.സംസ്ഥാനത്ത് പലയിടത്തും പെട്രോൾ വില 85 രൂപ കടന്നു. ഡീസൽ വില 80 രൂപയ്ക്ക് അടുത്തെത്തി.

കൊച്ചിയിൽ ഇന്ന് പെട്രോൾ വില 83.96 ഉം ഡീസൽ വില 78.01 രൂപയുമാണ്. തിരുവനന്തപുരത്ത് ഇന്ന് പെട്രോളിന് 85.72 രൂപയും ഡീസലിന് 79.65 രൂപയുമാണ് വില.

അന്താരാഷ്ട്ര വിപണിയിൽ വില കൂടിയതാണ് വിലവർധനയ്ക്ക് കാരണമായി കമ്പനികൾ പറയുന്നത്. കോവിഡ് പ്രതിസന്ധിക്കിടെ എണ്ണവിലയിൽ വർധന തുടരുന്നത് സാധാരണക്കാരെ ഗുരുതരമായി ബാധിക്കുമെന്നാണ് വിലയിരുത്തൽ.

Leave a Reply

Your email address will not be published. Required fields are marked *