Breaking News

മൊട്ടയൊക്കെ അടിച്ച് തീര്‍ത്ഥാടനത്തിന് പോയി, തിരിച്ചു വരുമോ എന്നറിയാത്ത യാത്രയായിരുന്നു, എന്നാല്‍..: ലെന

സിനിമയില്‍ തുടരുമ്പോഴും പല തവണ സിനിമ ഉപേക്ഷിച്ചു പോയ ഒരാളാണ് താനെന്ന് നടി ലെന. വിവിധ സമയങ്ങളിലായി അഭിനയരംഗത്തു നിന്നും മാറി നിന്നതിനെ കുറിച്ചും സിനിമ തന്നെ തിരിച്ചു വിളിക്കുകയായിരുന്നു എന്നും താരം ബിഹൈന്‍ഡ് വുഡ്‌സിന് നല്‍കിയ അഭിമുഖത്തില്‍ പറയുന്നു.

പല തവണ സിനിമയില്‍ നിന്ന് വിട്ടു പോയിട്ടുണ്ട്. ഡിഗ്രി കഴിഞ്ഞ സമയത്ത് സുരേഷ് ഗോപിക്ക് ഒപ്പം രണ്ടാം ഭാവം സിനിമ ചെയ്ത കഴിഞ്ഞ ശേഷം ഇനി സീരിയസായ ജോലി നോക്കണമെന്ന് ആലോചിച്ചു. അഭിനയം ഒന്നും ഒരു ജോലിയായിട്ട് പറയാന്‍ പറ്റില്ലെന്നായിരുന്നു ആലോചിച്ചത്. ഡിഗ്രിക്ക് സൈക്കോളജി ആയിരുന്നു ചെയ്തത്.

അതിന് ശേഷം ബോംബെയില്‍ ക്ലിനിക്കല്‍ സൈക്കോളജിയില്‍ മാസ്റ്റേഴ്‌സ് ഡിഗ്രി എടുക്കാന്‍ പോയി. ആ സമയത്ത് സിനിമയില്‍ നിന്നും വിട്ടു നിന്നിരുന്നു. പിന്നെ തിരിച്ച് സിനിമയിലേക്ക് തന്നെ വന്നു. കൂട്ട് എന്ന സിനിമയിലൂടെ 2004ല്‍ ആണ് ലെന വീണ്ടും അഭിനയത്തിലേക്ക് എത്തിയത്.

2004-ല്‍ കല്യാണം കഴിച്ച സമയത്ത് ഇനി സിനിമയില്‍ അഭിനയിക്കില്ലെന്ന് പറഞ്ഞ് ഏതാണ്ട് ഒരു വര്‍ഷം മാറി നിന്നു. പിന്നെ പറ്റുന്നില്ല, തിരിച്ചെത്തി. 2007-ല്‍ പുറത്തിറങ്ങിയ ബിഗ് ബിയിലാണ് ലെന പിന്നീട് വേഷമിട്ടത്. ഇതോടെ സിനിമയില്‍ സജീവമായി. 2018-ല്‍ തീര്‍ത്ഥാടനത്തിന് പോയതിനെ കുറിച്ചും താരം പറയുന്നു.

മൊട്ടയൊക്കെ അടിച്ച് തീര്‍ത്ഥാടനം പോയി. അത് തീര്‍ത്ഥാടനമായിരുന്നില്ല, ഒരു യാത്ര, തിരിച്ചുവരുമോ എന്നറിയാത്ത ഒരു യാത്ര. അങ്ങനെ പോയി തിരിച്ച് ഇവിടെ തന്നെയെത്തി എന്ന് ലെന വ്യക്തമാക്കി.

Leave a Reply

Your email address will not be published. Required fields are marked *