സിപിഎമ്മിന്റെ തിരുവനന്തപുരം ജില്ലാ കമ്മിറ്റിയില്‍ വന്‍ അഴിച്ചു പണി. മുന്‍ ആറ്റിങ്ങല്‍ എംപി എ.സമ്പത്തിനെ കമ്മിറ്റിയില്‍ നിന്ന ഒഴിവാക്കി. പാറശാലയല്‍ നടന്ന ജില്ലാ സമ്മേളനത്തില്‍ 46 അംഗ കമ്മിറ്റിയെയാണ് തിരഞ്ഞെടുത്തത്. ശിശുക്ഷേമ സമിതി അധ്യക്ഷന്‍ ഷിജു ഖാന്‍ കമ്മിറ്റിയില്‍ ഇടം നേടി.
ഷിജുഖാന്‍ അടക്കം ഒമ്പത് പുതുമുഖങ്ങളാണ് കമ്മിറ്റിയില്‍ ഇടം നേടിയിരിക്കുന്നത്. വി അമ്പിളി, പ്രമോഷ്, ഷൈലജ ബീഗം, എസ്.പി ദീപക്, എസ്.കെ പ്രീജ, ഡി.കെ ശശി, ആര്‍. ജയദേവന്‍, വി. വിനീഷ് എന്നിവരാണ് കമ്മിറ്റിയില്‍ ഇടം നേടിയത്. അതേ സമയം തിരുവനന്തപുരം മേയര്‍ ആര്യ രാജേന്ദ്രന്‍, വട്ടിയൂര്‍ക്കാവ് എംഎല്‍എ വി.കെ.പ്രശാന്ത്, അരുവിക്കര എംഎല്‍എ ജി.സ്റ്റീഫന്‍ എന്നിവരെ ഇക്കുറി ജില്ലാ നേതൃത്വത്തിലേക്ക് പരിഗണിച്ചില്ല.
എ. സമ്പത്തിന് പുറമെ ഡബ്ല്യു.ആര്‍ ഹീബ, വി.ശിവന്‍കുട്ടി, ചെറ്റച്ചല്‍ സഹദേവന്‍, ജി. രാജന്‍, പുല്ലുവിള സ്റ്റാന്‍ലി, തിരുവല്ലം ശിവരാജന്‍, പട്ടം വാമദേവന്‍ നായര്‍ എന്നിവരെയും ജില്ലാ കമ്മിറ്റിയില്‍ നിന്ന് ഒഴിവാക്കി. സമ്പത്ത് പാര്‍ട്ടി പ്രവര്‍ത്തനത്തില്‍ സജീവമല്ലെന്ന് പാര്‍ട്ടി ഘടകങ്ങളില്‍ നിന്നും വിമര്‍ശനം ഉയര്‍ന്നിരുന്നു. ഇതിന് പിന്നാലെയാണ് ജില്ലാ കമ്മിറ്റിയില്‍ നിന്നും ഒഴിവാക്കിയത്.
ജില്ലാ സെക്രട്ടറിയെയും സംസ്ഥാന സമ്മേളന പ്രതിനിധികളെയും തിരഞ്ഞെടുത്തതിന് ശേഷമ ഇന്ന് വൈകുന്നേരത്തോടെ സമ്മേളനം അവസാനിക്കും. കോവിഡ് വ്യാപനം രാക്ഷമാകുന്ന സാഹചര്യത്തില്‍ വെര്‍ച്വലായാണ് പൊതു സമ്മേളനം. വൈകിട്ട് നാല് മണിക്ക് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍ പൊതുസമ്മേളനം ഉദ്ഘാടനം ചെയ്യും.