Breaking News

മീഡിയ വൺ സംപ്രേഷണ വിലക്ക് നടപ്പാക്കുന്നത് തടഞ്ഞ ഇടക്കാല ഉത്തരവ് തിങ്കളാഴ്ച വരെ നീട്ടി ഹൈക്കോടതി

മീഡിയ വൺ ചാനലിന് കേന്ദ്ര സർക്കാർ ഏർപ്പെടുത്തിയ വിലക്ക് ഹൈക്കോടതി തടഞ്ഞത് തിങ്കളാഴ്ച്ച വരെ തുടരും. കേസ് തിങ്കളാഴ്ച വീണ്ടും ഹൈക്കോടതി പരിഗണിക്കുമെന്നാണ് വിവരം. കേന്ദ്ര സർക്കാരിന് വേണ്ടി എ.എസ്.ജിയാണ് ഹൈക്കോടതിയിൽ ഹാജരായത്.

മീഡിയ വണ്‍ ചാനലിന്റെ സംപ്രേഷണം തടഞ്ഞുകൊണ്ടുള്ള കേന്ദ്ര വാര്‍ത്താ വിതരണ മന്ത്രാലയത്തിന്റെ ഉത്തരവ് ഹൈക്കോടതി തിങ്കളാഴ്ച മരവിപ്പിച്ചിരുന്നു. രണ്ട് ദിവസത്തേക്കാണ് ഉത്തരവ് മരവിപ്പിച്ചിരുന്നത്. ജസ്റ്റിസ് എൻ. നഗരേഷിന്റെ ഈ ഇടക്കാല ഉത്തരവാണ് ഇപ്പോൾ നീട്ടിയിരിക്കുന്നത്. ഹൈക്കോടതി ഉത്തരവിനെ തുടർന്ന് മീഡിയ വൺ തത്സമയ സംപ്രേഷണം പുനരാരംഭിച്ചിരുന്നു. സുരക്ഷാ കാരണങ്ങള്‍ ഉന്നയിച്ചാണ് ചാനലിന്റെ സംപ്രേഷണം തടഞ്ഞുകൊണ്ട് കേന്ദ്രം ഉത്തരവ് പുറപ്പെടുവിച്ചത്.