ബംഗളൂരു ലഹരിമരുന്ന് കേസില് നര്ക്കോട്ടിക്സ് കണ്ട്രോള് ബ്യൂറോ ചോദ്യം ചെയ്യുന്ന ബിനീഷ് കോടിയേരിയുടെ കസ്റ്റഡി കാലാവധി ഇന്ന് അവസാനിക്കും. ബിനീഷിനെ ഇന്ന് ബംഗളൂരു സിറ്റി സിവില് സെഷന്സ് കോടതിയില് ഹാജരാക്കും. നാല് ദിവസമായി ബിനീഷിനെ എന്സിബി കസ്റ്റഡിയില് ചോദ്യം ചെയ്യുകയാണ്. ബിനീഷിനെ കേസില് പ്രതി ചേര്ക്കുമോയെന്ന കാര്യം എന്.സി.ബി ഇന്ന് കോടതിയെ അറിയിക്കും. ബിനീഷിന്റെ മുന്കൂര് ജാമ്യാപേക്ഷ കര്ണാടക ഹൈക്കോടതി ചൊവാഴ്ച പരിഗണിക്കും.